დიდი ბრიტანეთის ახალი სანქციების პაკეტი რუს და რუსეთთან დაკავშირებულ 206 მოქალაქეს შეეხება. ბრიტანეთის ინფორმაციით, სანქციები დაუწესდა უკრაინის აღმოსავლეთში სეპარატისტულ რეგიონების 178 რუს სეპარატისტს.
სანქცირებულთა შორის არიან ალექსანდრ ანანჩენკო და სერგეი კოზლოვი, დონეცკისა და ლუგანსკის თვითგამოცხადებული სახალხო რესპუბლიკების ე.წ პრემიერმინისტრი და ე.წ პარლამენტის თავმჯდომარე.
„აღმოსავლეთ უკრაინაში მოქალაქეებზე საშინელი სარაკეტო თავდასხმის ფონზე, ჩვენ დღეს სანქციებს ვუწესებთ მათ, ვინც სეპარატისტულ რეგიონებში არასამართლებრივი ქმედებები დაგეგმა უკრაინელი ხალხის წინააღმდეგ.
ჩვენ გავაგრძელებთ ყველა მათგანის მიზანში ამოღებას, ვინც ეხმარება და აქეზებს პუტინის ომს“, - განაცხადა ლიზ ტრასმა.
დიდი ბრიტანეთის საგარეო საქმეთა ოფისის ინფორმაციით, ახალი სანქციები სულ 206 ადამიანს შეეხება. მათ შორის არიან ოლიგარქების ოჯახის წევრები, თანამშრომლები, დაახლოებული ადამიანები.
აღსანიშნავია, რომ 14 აპრილიდან დიდი ბრიტანეთის ხელისუფლება რუსული რკინისა და ფოლადის იმპორტს აკრძალავს, ასევე თანამედროვე ტექნოლოგიების ექსპორტს, რაც ომში შესაძლოა გამოიყენოს რუსეთმა.
„ჩვენ არ გავჩერდებით, სანამ პუტინის ომის მანქანის შეჩერების მისიას არ შევაჩერებთ“, - აცხადებს ლიზ ტრასი.
დახურვა